聚會小廚雞煲火鍋

Open Now

Now Closed

最近悶悶地想約幾個好朋友一齊出黎食飯聚聚, 一講開食飯大家即時想起之前幫襯過係土瓜灣個間"聚會小廚", 於是決定再一次舊地重遊.  當晚6點鐘左右到, 未有太多客人, 我地4個人被安排坐左係中央位置既一張細圓檯. 個晚我地點左重慶雞煲 (選左少辣, 多配料), 白灼蝦 (夠新鮮, 夠大隻), 香煎墨魚餅 (炸得啱啱好, 表面脆卜卜, 裡面墨魚膠滑), 黃金茄子 (茄子每隻都俾蛋黃包住), 最後加多個椒絲腐乳通菜. 餐廳食物質素及樓面服務態度仍保持高質. 飲飲食食, 開開心心, 幾小時轉眼就過去. 知道土瓜灣港鐵即將開通, 我地已經約好下個月再來聚一聚.