To-Gather Cafe (Closed)

新一年要找飯數，今日約咗舊同事嚟聚一聚舊田園沙律@田園沙律用咗唔同嘅沙律菜，仲有蕃茄仔、青瓜、洋蔥同粟米粒，顏色繽紛，食落唔會覺得單調，沙律新鮮爽脆，配以日式芝麻醬，很香口清新；餐湯係粟米湯，足料開胃無得輸薯條@新鮮炸出嘅薯條鋪上滿滿嘅芝士每一條都充斥著芝士香，但係呢種芝士唔係味道好重嗰款，所以都唔會覺得好膩～店員甫上菜已經提醒我地薯條熱食最好味，喺芝士仲係温溶狀態，配上粗薯條，真係令人欲罷不能，最適合就係同朋友一邊玩遊戲一邊食蜜糖雞翼@雞翼非常入味，表皮香口乾身，內裡嫩滑多汁，外脆內軟，而且蜜糖味香甜，好惹味秘制日式餃子@餃子的皮煙韌而餡料多，煎香後淋上味道類似章魚燒嘅醬料，再灑上紫菜，都唔錯白汁香蒜蜆肉意粉@意粉軟硬適中，除咗蜆肉，配料仲有彩椒、菇菌同洋蔥，口感豐富飲品@Cafe嘅其中一個特式喺可以同朋友一齊休閒地相聚，享受住小食飲料，傾下計玩下遊戲～特色嘅飲品當然唔少得，套餐嘅特飲更加係任飲！我地點咗芒亨(芒果蜂蜜)同巨峰提子乳酸，清新得黎帶點香甜，當然encore啦2人套餐以外，我地再加點咗泰式燒豬頸肉@豬頸肉嘅脂肪均勻分佈於紋理之間，口感爽脆，肉汁豐腴，配上酸酸辣辣嘅泰式汁，