板長壽司 (Closed)

尼個friend好仲意即興約食飯，臨收工前又打來話想去北角食日本菜飲番杯日本清酒，揀左好耐都無心水，見到七姊妹道開左板長，就尼間啦。入到去，環境不錯，人不算多。要飲酒就要食飽肚先，所以叫做個蟹蓋炒飯，蟹肉都算多，夠足料。之後又點做幾個軍艦壽司：海膽，八爪魚， 蟹籽， 都夠新鮮，只是紫菜不夠脆。刺身當然少不了， 甜蝦，三文魚，帶子，質素都很高。軟殼蟹沙律， 沙律菜不算太新鮮，但軟殼蟹炸得剛剛好，不油，再加芝麻醬，很開胃。再來一個南瓜蕃薯天婦羅， 稍微切得薄左d, 厚返少少就更好。接著落來，就係送酒既小吃，燒三文魚頭，燒得好香， 三文魚既油脂漏曬出來。雞泡魚乾係我地飲酒時必點，而且不斷encore, 板長既雞泡泡魚乾燒得稍微乾左少少，不過送酒還可以今次飲既酒係甜梅酒同日本清酒，酒精濃度不太高，適合小酌。