The Porter (律敦治大廈) (Closed)

中環「煤氣燈街」間特色「星巴克」結業，位處隔郯商廈內嘅「The Porter」變成晌呢條街啲唯一咖啡店，相信其生意會上漲不少。而同事對飲咖啡都甚有研究，亦喺其長期客戶，不時落去幫襯，剛啱早前有個買一送一嘅活動，就醒咗杯咖啡俾小弟。 價目表影出嚟俾大家當個參考，定價都喺附近啲咖啡店差唔多，亦有啲輕食套餐供選擇。 同事就建議我試試呢一款「Cumulus」（$38），意謂「積雲」，喺啲天文現象，喺即喺點呢？其實喺將意大利濃縮咖啡（Espresso）加冰，再用打奶棒打出一層泡而成，所以，面面有一層好似奶泡嘅嘢，應該喺咖啡嘅油脂做成，好綿密，好輕柔，而下層跟你飲美式咖啡（Americano）無咩分別，之不過，佢哋啲咖啡確喺幾香，帶點點酸味，口感卻幾清爽。 多謝同事嘅「私人醒」，又識多樣嘢。雖然，小弟都喺偏好飲加入奶泡嘅意式咖啡，不過，偶爾飲吓「齋啡」都喺一種幾唔錯嘅體驗。