品記鮮粉人家私房菜館

Open Now

Now Closed

自從屯馬線開通左之後，出入九龍城土瓜灣真係方便左勁多，今次出到黎同朋友重回舊地之後就簡左呢間私房菜館食。首先上枱嘅係兩款佐酒小食，香脆炸蝦卷同埋絕味雞腳，兩樣新鮮熱辣炸起好香口，用黎同朋友傾計飲酒的確係唔錯。豬骨煲湯底材料十足，打邊爐食豬骨越食越出味。由於太肚餓關係，成班男仔一見到火鍋配料出場就一瞬間將食物落晒個火鍋度，搞到一張相都影唔到，所以唯有比大家睇下張菜單有咩配料可以點，而而家7:30前埋單仲有88折tim。除左豬骨煲，仲有雞煲可以比大家簡。朋友們都話因為而家交通方便左，過黎土瓜灣都唔駛揸車，可以盡情咁飲酒。