Mimila (Closed)

踏入夏天，喺山上面真係好熱呀，啱啱行完山再出嚟沙田新城市廣場度睇吓有啲咩野台式飲品飲，之後睇返都係一啲連鎖式嘅舖頭，咁無意中見到一間食東南亞菜嘅餐廳，嗰日唔係好想食嘢，但係膽粗粗去問下淨係買兩杯嘢飲外賣好唔好，店員都話可以，咁就一於試吓飲佢嘅飲品啦，認真一間食店可以做埋外賣飲品其實真係都幾趣緻！首先我飲咗個桔子梳打，桔子梳打其實係一個好解渴嘅飲品，當然都好醒胃，因為佢比較酸，但係略嫌佢有啲太甜，但係我覺得一般嘅東南亞菜嘅特色來講，飲品一定要夠甜所以先至係談得上一個正宗嘅東南亞菜，所以我呢個飲品會俾佢滿分。另外朋友就飲咗三色奶茶，三色奶茶比其他飲品嘅始終都係唔夠滑同埋冇咁甜，但係朋友就話可以接受，所以我會比呢杯飲品係上品。最後兩杯嘢飲都包得好好呀，佢好細心咁樣用膠紙包住，咁另外就算我哋淨係外買兩杯嘢飲都好，咁佢都有一個紙托同飲品袋俾我哋，但係都可以睇得出呢間舖頭係好有心機，同埋都好細心去做每一樣細節嘅另外服務態度都可以算係話好嘅，所以呢間餐廳我都係會值得推介大家去食，咁另外如果我有機會再嚟過沙田嘅話我都可能會入去間餐廳到試食吓。