唞唞

Open Now

Now Closed

今日陪朋友出席一個俄羅斯旅遊講座，主辦單位揀左呢間coffee shop，每個入場人士仕都要帮襯一杯飲品，飲品50至110一杯茶或手沖咖啡，見到價錢已經呆一呆。朋友揀左一杯綠茶Latte（$54）味道ok不過不失但唔係好甜，但真係無咩特別。一保堂，極上焙茶（$50）買的時候寫明可以refill一次，嚟到杯嘢真係一個紙杯裝住杯茶咁囉。想講係我出去refill佢居然話太多客所以幾乎拒絕話無得refill，後來佢叫我等佢做哂啲客之後再帮我refill， 後來佢又話無哂茶葉所以俾左杯凍嘅俾我。最失望係場地太細，坐位得10張左右，雖然不是店方問題，顯然係主辦單位揀錯地方，安排不週，首先位置太隔涉，交通不便，行過嚟無遮無擋行25分鐘先到，仲要店鋪冷氣不夠，做嘢超慢，最令我反感及可笑是叫佢個喇叭音量熄左佢或較細啲，因為完全聽唔到講者講嘢，佢居然話佢要留番啲音樂俾佢啲客，可笑嘅我唔係你啲客咩？我都係無折扣優惠行到身水身汗嚟到貴店用50蚊買一杯紙杯裝嘅熱茶咋，難為其他客人個個手持一杯凍飲企係到聽。