微酵烘焙 (Closed)

經過元朗廣場原來之前係台灣食過既share le pain 黎左香港開舖，立即要試下。佢地本身主打係茶，點知俾店員推介左芋頭奶，於是就試下。飲落唔太甜，啖啖芋頭粒（估計有三分一杯，食極都仲有）奶係用鮮奶唔係奶粉，調配得啱啱好，值得一試。另外佢主打係烘培麵包，肯定要試埋。試左佢地主打即髒髒包，由於怕食到周圍都係就拎返屋企先食（有提供包盒）。size 大過個手掌，面頭鋪滿左一層白朱古力同灑左勁多抹茶粉，賣相都幾吸引。未食之前仲以為個餡係穌皮硬果啲，原來係麵包底，入面有紅豆粒同忌廉芝士。個麵包好好吃，軟屬帶韌，唔似啲空氣包，食落係會飽肚感覺。啱啲麵包控。