椰粉湯紅 (Closed)

👦話天氣涷涷地 要飲啖靚湯暖下胃呢間椰粉湯紅主打鮮味、原材料、健康無添加菜式 每日仲有唔同精選燉湯選擇 啱晒👦要求啦.首創竹絲海南雞椰香飯套餐店鋪招牌！店家獨創以竹絲烏雞製作傳統海南雞，竹絲烏雞入口比傳統雞更嫩滑多汁，而且脂肪層明顯較少，食多幾舊都無咁大罪惡感。 套餐仲包咗碟菜同是日燉湯🙆‍♀️ 成個餐有纖維有碳水有蛋白質 營養好均勻 值得一提係是日燉湯係以手拿杯方式奉上 感覺幾特別新鮮 啱晒繁忙香港人隨時拎走一路行一路飲😄.日式胡麻手撕雞冷麵+熱情豐盛雞～全部都係雞🎵 面頭密密麻麻都係手撕雞肉🙆‍♀️食落好有滿足感 ~配埋爽脆青瓜絲、香甜粟米粒、彈牙冷麵同靈魂胡麻醬一齊食 味道非常夾 另外仲聽店員介紹 試咗由熱情果、杞子、青檸配搭而成嘅飲品「熱情豐盛」， 入口清新，酸酸甜甜，仲有粒粒果籽肉，好有咬口