Shake Shake Shake (Closed)

是日同朋友一齊去旺角食好西，見到前排有報導話廣華街開了一間沙冰飲品店，以朱古力及生果作主打，賣相十分吸引，見到就好想幫襯。今日與朋友去旺角就馬上前來幫襯，首先飲品店裝修得好有韓風味而且佈置得好cute，宣傳圖片都好吸引。最吸我眼球的是香蕉朱豬，有我最愛的香蕉啊～而且價錢方面比一般台式珍珠奶茶有點貴，不過嚟到點都要飲番一杯啦～我就點了香蕉朱豬，因為沒有加topping, 所以賣相跟宣傳圖片的不一樣，味道就沒有驚喜及特別，比較一般，朱古力太濃蓋過了香蕉味，間中都食到香蕉果肉，但真心普通。而朋友就叫了菠蘿朱豬，她說飲不出菠蘿味，而且也沒有菠蘿的果肉，只飲到朱古力味。應該幫襯一次，試過就足夠，沒有太大期待，其他的台式飲品店比他家的更美味及價錢再便宜一點，希望他們再修正一下價錢及味道，可望下次有機會幫襯也不會再失望啦。