Video
Read full review
2020-03-24
1116 views
呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。乾隆石鍋炒飯🍚，我完全估唔到個飯
呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。
一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。
呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。
首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。
黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。
玉環鮑魚盅
46 views
0 likes
0 comments
玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。
西施蛋白蝦球
40 views
0 likes
0 comments
西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。
乾隆石鍋炒飯
36 views
0 likes
0 comments
乾隆石鍋炒飯🍚，我完全估唔到個飯係一人一個石鍋囉‼️，一個石鍋已經分到每人兩個碗仔...，所以我哋打包咗一個走🙈。除咗份量夠之外，個飯真係滿分之作，因為飯粒炒到好乾身，粒粒分明，連呀媽都讚不絕口。
乾隆石鍋炒飯
25 views
0 likes
0 comments
最後，精選甜品係紅豆沙，呢個就正正常常啦，夠多豆。我哋食埋甜品，非常滿足😊。
除咗食物同環境外，呢到嘅店員全部都好好禮貌，服務好好；特別有位短頭髮呀姐，真係好細心，好熱情👍。
總括嚟講，依餐飲宴般嘅午市套餐真係不得了，最緊要係呀媽鍾意，食得開心❤️。下次我會同佢嚟食點心，價錢幾相宜。另外，餐廳仲有做啲晚市六人／十二人餐，好似都唔錯。我哋離開餐廳時，再望下室內個環境確係幾靚，相信係一個宴會嘅好場地啊！
Post
