薈軒 (Closed)

飲宴菜式多数千篇一律，加上對鷄敏感的我，更不想去飲宴，但今次礙於人情，不得不出席。宴設薈軒，例必先來乳豬全體，乳豬色澤潤紅，一咬外脆，肉還暖，有味道，估唔到三十多圍酒席，還可令乳豬皮脆肉暖！讚 ! 蚌柳大蝦球:蝦肉彈、爽、有鮮蝦味，因碟頭大，夠份量，忍不住食多幾隻蚌和大蝦。我多年唔食炸蟹拑，因我食嘢醃尖兼咀刁，大多蟹拑做到太行貨、實得得、無乜味，望到都唔想食，但薈軒這味炸蟹拑一上枱，我一睇已覺有别，即試，給了我驚喜，肉質不實，有爽彈感，超好味，令我刮目相看！！炸子鷄也令我垂涎，可惜我敏感不能食之，可惜！可惜！甜品紅豆沙做得也不錯，不會水還水、渣還渣，甜度啱啱好。羗汁糕也是我的至愛，有羗汁味！總之，這晚令我嘗到飲宴食之樂，大飽果腹！！