極品靚鍋 (Closed)

打邊爐最緊要除咗喺個爐之外，最重要就係湯底啦。 湯底靚， 食乜嘢都雙倍加分! 今日同朋友一齊去食 極品靚鍋，用啲咁正嘅魚湯嚟做火鍋真係人生一大享受。店長話呢個梳邏魚湯底係佢每朝去街市新鮮買好多斤魚返黎煲，用左不少心機，特別鮮甜同有家的味道，令你飲完又想再飲!我叫左雙拼湯底，試埋個杏汁豬肺湯，真係出乎意料地好飲，忍唔住飲左半煲！好飲過自已煲！唔單止個湯靚，用料亦都係極品， 例如振興各類丸， 各式各樣嘅新鮮蔬菜菇類，仲有唔同味道嘅雪糕， 同各式嘅花茶， 真係見到都已經流曬口水，值回票價。尤其鍾意食佢的牛柏葉， 爽脆雪白新鮮而且最重要嘅係任食。 我忍唔住個人就已經食咗三碟啦!另外我好欣賞佢哋有提供 各式各樣的 花茶， 這是其他火鍋店甚少有見到。 這可算是一大驚喜呢!火鍋店中間提供大量嘅熟食菜式， 我哋可以順手就可以享受人間美食。 特別要介紹 這裏的豬腳薑 ,亦非常吸引。酸酸甜甜真係好開胃呀!