Video
Read full review
2018-07-19
192 views
上班日多數留喺新界、九龍區食飯，所以一到假日都寧願過海走走，又可以當同另一半行下。佢幾鐘意去灣仔區，特別鐘意利東街、星街一頭，去下啲cafe，舒舒服服就一個下晝。今日喺灣仔食完lunch，就試埋呢間bookmark左好耐嘅Athletic Juice，見過太多人分享佢地嘅咖啡，啱哂影相又順便避避雨，有冇人同我一樣，都好憎落雨…。鋪頭細細，都有幾個高櫈位，同埋兩張長櫈仔，可能因為星期六，都有唔少客人呢。可惜公司附近冇呢類型小店，否則行過路過飲杯咖啡，同店員吹下水，你都咪話唔爽。（我見好多熟客，都同佢地好好傾呢）店內擺放左好多新鮮生果，所以成個感覺好fresh來到都可以試下佢地自家製嘅detox water，店員話每日有唔同款式，我地當日試左嘅有菠蘿，士多啤梨，檸檬飲左一杯仔，果然好新鮮，有好清新嘅菠蘿香，作為唔係太鐘意飲水嘅人，平時都有喺屋企整下有味水，推薦呢，不自覺會飲多左水。menu主要係有咖啡，茶，smoothie，果汁，選擇非常多，亦都可以自由搭配。仲有點選飲品後，都唔好錯過佢地自家製嘅點心，牛角酥，brownies，香蕉麵包等等，追加18蚊就可以試到，價錢相宜，三點三下午茶最適
鋪頭細細，都有幾個高櫈位，同埋兩張長櫈仔，可能因為星期六，都有唔少客人呢。可惜公司附近冇呢類型小店，否則行過路過飲杯咖啡，同店員吹下水，你都咪話唔爽。（我見好多熟客，都同佢地好好傾呢）店內擺放左好多新鮮生果，所以成個感覺好fresh
來到都可以試下佢地自家製嘅detox water，店員話每日有唔同款式，我地當日試左嘅有菠蘿，士多啤梨，檸檬飲左一杯仔，果然好新鮮，有好清新嘅菠蘿香，作為唔係太鐘意飲水嘅人，平時都有喺屋企整下有味水，推薦呢，不自覺會飲多左水。
menu主要係有咖啡，茶，smoothie，果汁，選擇非常多，亦都可以自由搭配。仲有點選飲品後，都唔好錯過佢地自家製嘅點心，牛角酥，brownies，香蕉麵包等等，追加18蚊就可以試到，價錢相宜，三點三下午茶最適合不過
我地點左最出名必定要試嘅avolatte啦，為左呢杯咖啡而來金嘛。另外點左一款店員都話係新款式嘅smoothie - athletic power，同追加左一件banana bread，休息左一陣，飲料、食物就到手喇。見到實物，果然好ig-able，一定要影番幾張相。
avolatte：平時一杯咖啡都要幾十蚊，呢個牛油果拿鐵又真係幾有gimmick，又有得飲，又有得食，其實48蚊好合理。將牛油果挖空後，保留果肉，然後沖咖啡再拉埋花，真係好可愛呢。原隻牛油果食哂，配合健康主題，又好飽肚，好在冇點太多麵包。latte用牛油果外殼裝住，入口香，又唔會太濃，奶比例適中，容易入口。難得咁多人推介，影得，食得，飲得
至於smoothie，其實都花多眼亂，呃知揀咩好，另一半交由我話事，所以我梗係識做，揀D平時佢都會食嘅水果，免得俾人話。呢杯athletic power裡面用香蕉，士多啤梨，梨，牛油果blend成，睇住店員整，新鮮足料架。飲品以香蕉味為主，另一半最鐘意，甜度適中，飲完好飽肚
最後試埋麵包，自家製有誠意，店員幫我地輕輕翻熱，食落外脆內軟，邊位有少少硬身，好正，而且都有好香、好明顯嘅香蕉味，大滿足
Post
