龍門大酒樓 (Closed)

有突發事，一連兩日，尋日晨咁早已經要在灣仔區工作，搞掂還未夠八點。灣仔街上已經幾多人，買份報紙，見這裡仲有阿姐推點心車，就來飲早茶。呢度而家都有非吸煙區，是設在二樓，我費事行，坐地下算數，有人食煙不過就唔算大煙。一個人都只係一盅兩件，煎碟腸粉，一籠叉燒包，一碟雞紮，唔食得好多，反而普洱就灌了不少。呢度價錢好平，早茶時段點心款款八蚊，還設有下午茶時段。食完開工，埋單四十蚊有找，希望是好的一天。