三希樓 (Closed)

來飲茶，食點心，這是星期天。。。。。叉燒腸粉叉燒好有咬口，腸粉皮有紅米或白米之分，即係話個腸粉皮用嘅米漿，除咗平時食到嘅白米之外，佢哋有紅米俾你揀。不過腸粉嘅豉油好似老抽，怕鹹的話建議大家唔好落咁多。。。。。。燒賣皇正常尺寸，燒賣是以豬肉製成，面頭果粒食落似鮑魚，我也未能肯定是否鮑魚，有可能係鮑魚菇，整籠燒賣上枱時保持熱辣辣，都算不錯。。。。。。叉燒包有叉燒粒，唔係叉燒茸，餡料多到爆出嚟，事實上入面都幾足料，個包食落口甜甜地，熱辣辣入口就最好味。。。。。。沙律明蝦角飲茶最重要係啲點心夠熱，呢個沙律明蝦角就唔多夠熱，而且同我想像中有出入，我以為沙律&蝦會一齊被包住，再炸成蝦角。事實係，隻蝦被包住攞去炸，而沙律只係伴碟。。。。。。山泉水即撞豆腐花呢個製作需時，下單時侍應話會安排在最後上枱，呢個豆腐花好搶眼，我見隔離枱都有點。事實上呢桶豆腐花又真係好好味，好香好滑好熱。上枱時侍應話幫我地分落碗，不過我哋拒絕左，因為“筆”豆腐花好好玩，所以決定自己來處理。。。。。。。整體來講，呢度有服務，有裝修，有衛生，各樣都很不錯，侍應們有keep住幫我哋嘅茶壺加添熱水，還不是幫我們更換碗碟添。