西樹泡芙 (T Town North)

Open Now

Now Closed

泡芙控嘅我，每次想食都要搭車出去買，近期「西樹泡芙」進軍天水圍，終於可以隨時隨地就買到了。呢間「西樹泡芙」比其他分店更特別，有埋茶飲賣，真係可以飲杯茶食件泡芙。紅豆抹茶布丁 :朋友喜愛紅豆抹茶，見到呢款就話一定要試，泡芙夾住紅豆、忌廉及抹茶布丁，賣相都幾靚。泡芙口感鬆軟，抹茶布甸有Q彈嘅口感，配埋紅豆，味道唔太甜幾有特色。Oreo脆脆 :大大塊的Oreo及忌廉夾係泡芙中間，睇落好吸引。除咗原塊Oreo外，亦有好多Oreo碎係忌廉面，入口滿口Oreo味，鬆軟嘅泡芙加上脆脆嘅餅碎，口感唔錯。宇治抹茶 :入口好幼滑，抹茶味香濃，走甜下茶都唔會覺得苦澀，配埋泡芙，作為下午茶真係一流。布丁鮮奶焙茶 :焙茶比抹茶茶味更香濃，加入咗牛奶布丁令口感更豐富，每飲一口都食到布丁，微甜嘅牛奶布丁配焙茶，味道都幾夾。