ClubNectionZ (Closed)

士多啤梨比利時Waffle ($61）如果想同朋友傾下計都係去樓上嘅coffee shop最好，除左因為夠私人，仲可以叫個甜品叫杯野飲就吹水吹一個下晝。不過樓上coffee shop野食都唔係間間好食🤔，但司令今次搵到一間係諾士佛臺嘅樓上coffee shop，主打正宗比利時waffle😍，司令都係甜食控，冇得唔試！司令今次簡左士多啤梨味🍓，配左杏仁雪糕同士多啤梨醬。因為waffle即叫即做，所以都得左15分鐘先有得食！首先擺盤已經超吸引，個醬圍邊可以需要嘅時候先點。waffle做得好厚實，外面脆，好似帶左少少糖既脆皮？咬開入面唔係空氣，而係有少少煙韌既感覺，同平時食開既非常唔同。加埋杏仁雪糕同醬，酸酸甜甜又好味喎！鋪頭仲有提供埋水同電話叉電，夠貼心！ 窩夫與黑啤其實黎到諾士佛臺，點樣唔飲酒啊！唔好以為食waffle就一定要配茶或者朱古力之類先襯。其實佢地仲有得配啤酒，話曬比利時waffle梗係配比利時手工啤啦。司令選擇既係黑啤，唔會太苦，一枝配一個waffle岩岩好。唔一定係樓下酒吧chill既，一邊食waffle一邊chill都得架。