我想和你無所事事 (沙田中心) (Closed)

食完馬拉野，個口仲辣辣地，就想飲返D清新凍野降下溫，行出新城市，見到有間裝修幾得意嘅台式飲品舖，叫我想和你無所事事，口痕就叫杯野黎飲。杯杯都改左好過癮嘅名，有D咩 GG屎橋泰式珍珠奶綠茶、終需有日龍穿鳳梨柳丁鐵觀音、三把火荔枝鐵觀音等等，睇黎睇去就叫左杯懶過西柚銀毛茉莉 （$32，少糖、少冰）。幾大杯，唔可以叫無糖，就叫左少糖，都唔算太甜。果肉算多，最後飲到底仲剩左唔少。茶其實可以自選，不過我懶就揀預設嘅茉莉，茉莉好清新重花香，難得有果茶茶味強過果味。