Video
Read full review
2013-12-03
5332 views
公司會計姐姐最愛食點心，閒日多與股友們飲早茶，享受十二點前埋單之優惠，週末則陪同家人飲兩點後之下午茶，每次試完新野都會返公司略作批評及報告一番。十月份，會計小姐向公司同事們推薦稻香集團o既午市飲茶，話如果主攻特價點心，其實好抵食，所以我地就約埋四個人去驗證一吓 。灣仔稻香位於北海中心二樓，上酒樓必先行上一條弧形樓梯，電梯同升降機都唔到，真係少啲腳骨力都唔好去 。酒樓近窗一排全部都係十幾人o既大枱，隔一行有八個四人卡位，卡位同個大廚房之間就擺滿散枱；稻香勝在樓面高，地方闊落，冷氣足，所以啲枱就算擺到密麻麻，感覺都唔會話好局促或者係太嘈吵。大廚房入面o既工作人員都帶哂手套、口罩、同帽，望落個集團經營模式都好衛生 。午市繁忙，好在稻香伙計人數多，手腳又夠快，落單、上餸、加茶等，招呼效率頗高；雖然姐仔唔多健談，但態度絕不惡劣，服務質素可算及格。公司同事們決意主攻特價點心，當日一共叫咗九款黎試： 午市特價小點之日式煎餃子（$13.8）：煎餃子個賣相唔係特必吸引，但味道其實唔差，而且煎得唔係好油，$13.8有四件，絕對食得過。 午市特價點心之鮮蝦腐皮卷（$14.8）：腐皮卷外層夠薄，個餡
灣仔稻香位於北海中心二樓，上酒樓必先行上一條弧形樓梯，電梯同升降機都唔到，真係少啲腳骨力都唔好去 。酒樓近窗一排全部都係十幾人o既大枱，隔一行有八個四人卡位，卡位同個大廚房之間就擺滿散枱；稻香勝在樓面高，地方闊落，冷氣足，所以啲枱就算擺到密麻麻，感覺都唔會話好局促或者係太嘈吵。大廚房入面o既工作人員都帶哂手套、口罩、同帽，望落個集團經營模式都好衛生 。
午市繁忙，好在稻香伙計人數多，手腳又夠快，落單、上餸、加茶等，招呼效率頗高；雖然姐仔唔多健談，但態度絕不惡劣，服務質素可算及格。公司同事們決意主攻特價點心，當日一共叫咗九款黎試：
午市特價小點之日式煎餃子（$13.8）：煎餃子個賣相唔係特必吸引，但味道其實唔差，而且煎得唔係好油，$13.8有四件，絕對食得過。
午市特價點心之鮮蝦腐皮卷（$14.8）：腐皮卷外層夠薄，個餡夠脆，整體香口得黎又唔會話好油，$14.8有三條，即六件，稻香真係好大方！
午市特價點心之京式素鵝（$18.8）：意外地依味咁齋o既素鵝非常香脆，層腐竹皮夠薄夠鬆化，味道一啲都唔寡，一客有八件，稻香真係一啲都唔吝惜！
午市特價點心之娥姐靚粉果（$12.8）：粉果大大隻，肥嘟嘟，有蝦、粟米、青瓜絲、紅蘿蔔絲等，清脆健康，好唔錯！
午市特價中點之山竹牛肉球（$16.8）：山竹牛肉球大大件，雖然唔係話熱到辣口，但肉質尚算鬆軟，都好及格！
午市特價點心之原蝦燒賣皇（$19.8）：除咗面層有一大隻晶瑩剔透o既蝦之外，燒賣入面原來仲有一隻蝦！燒賣本身唔硬，兩隻蝦都同樣爽口彈牙，味道亦唔錯；靚仔經理話齋，每隻燒賣有成兩隻蝦，一啲雪藏味都冇，五蚊一隻都唔洗，抵食到爛啦 ！
午市特價點心之竹笙碗仔翅（$13.8）：我地四個人分咗兩盅$13.8 o既碗仔翅。每碗入面o既竹笙、冬菇絲、肉絲、粉絲份量都好足，味道香甜濃郁；每人半盅又夠飽肚，抵呀！
其他收費：早茶：$6/位
午市特價小點之鬆軟叉燒包（$13.8）
午市特價點心之鴛鴦雙潮（$12.8）
連埋$6茶錢及加一服務費，埋單每位$50有找，主攻午市特價食品，比起去正冬火鍋飲茶每人大約貴$10，地方較為光猛闊落舒適，食物又冇咁粗糙，而且特價點心款式多成倍，去稻香飲茶其實都不失經濟實惠，XO仔同公司同事們都要大讚會計小姐冇介紹錯 ！
Post
