善茶 (Closed)

好欣賞呢一間茶店，話名叫善茶，當然係要做善事，裏面嘅人特別有愛心！你每買一杯野飲，佢就捐一蚊出去，比有需要嘅人。今日落好大雨，但係都好想飲杯野飲解渴，我哋叫咗港式奶茶紅豆冰，叫咗少冰同少甜，朋友覺得奶茶好滑好香，係標準嘅港式奶茶，加埋紅豆好有口感，建議要買嘅顧客可以唔使少糖，感覺可能更好。呢度仲有一款茶飲比較特別，就係壽眉珍珠拿鐵，我就比較鍾意飲茶，但反而覺得佢哋嘅茶味唔夠出，奶味淡淡的，頗香，裏面的珍珠好有咬口！好開心呀，越食越興奮。由於珍珠剛剛煮好，有點暖暖的感覺，發現整杯野飲很均混。其實留意到佢哋嘅杯款好有懷舊風格，經過精心設計，下次再試吓其他野飲先！