糖心軒

Open Now

Now Closed

糖心軒一間令人好有驚喜既酒樓，今次係第二次幫襯，第一次食已經好滿意，仲要滿意到唔記得左記低佢，今次補番。先講一講個地點，佢係上環尾近海味街既 ibis Hotel 既2樓，位置黎講呢，我個人就覺得幾唔就腳既，不過為左食就算喇。今次都係中午去飲茶，分別係點左鐵板蔥燒魚唇、叉燒、蝦餃、燒賣、牛柏葉、蝦腸、腐皮卷、山竹牛肉，每人仲叫左兜翅。直接啲講，就係性價比好高，每樣點心都熱辣辣味道好好，完全無過咸之類。而個鐵板蔥燒魚唇同叉燒，一定要重點推介，好味，我覺得我每次再去飲茶都一定會 encore 呢兩樣。