富港海鮮酒家

Open Now

Now Closed

休息嘅日子唔想煮飯食，最好就係去酒樓飲茶，選擇多樣化，可以滿足到大家嘅要求。其實已經嚟過幾次，呢度都算幾抵，衛生情況都可以接受。個地方都幾大，而且都幾旺場。佢嘅種類唔算好多，都係大路野，好似無佢自己嘅特色點心。之前有個花膠粥，非常唔錯，但佢更新咗個點心紙就消失咗。每次嚟都至少會點一個飯，夠晒抵食，而且燒味嘅質素都唔差，大大碗一定唔會餓親。呢個係芥蘭，唔會太硬，又唔會太稔，但無乜芥蘭味。點心正常嘅水準。魷魚鬚，都幾香口，個表皮香脆，里面又唔韌。總括嚟講，由於附近幾間茶樓都試過，有D碗碟崩曬口，又洗唔乾淨，有D又貴，又多人。比較之下呢間算係合理。由於呢個酒樓舖位以往經營嘅酒樓都好少可以營運到一段長時間，但希望佢可以爭下氣，定期更近下D點心種類，令顧客可以保持有新鮮感。