八月居 (海港城) (Closed)

去尖沙咀海港城行街就行得多, 真係好少喺呢邊飲茶, 原來八月居都真係唔錯, 每款點心都好好味呀, 而且三位消費都唔洗$500, 推介!!呢個和牛椒椒酥, 造型可愛, 酥皮做得好好, 好鬆脆, 而且入面嘅和牛餡都好好味~甫魚滑燒賣, 大大粒, 蝦都好大隻好新鮮~~流沙奶皇包, 我哋唔係一上菜就食, 仍然保持溫度, 奶黃餡好多, 好香口, 亦都好流沙,haha 要小心進食;))酥脆鮮蝦腸粉, 應該係第一次食腸粉入面嘅蝦肉係炸過, 呢個口感好特別, 必試!