Video
Read full review
2013-10-11
710 views
適逢中秋節，同事相約飲茶慶祝，地點由會計小姐同靚仔經理話事，去一家佢地幫襯開o既「正冬火鍋料理」，貪佢夠抵食wor ！「正冬」有兩層，樓下燈光較暗較逼人，樓上就光猛得多，感覺上亦寬敞舒適得多，最正就係有卡位坐、有電視睇，所以同事們每次黎都必定要坐樓上。「正冬」並非高級食肆，環境衛生尚算合格企理。伙計們個個年紀都唔細，樓面功夫多，忙碌得很，好在佢地做野夠爽手，效率高 。中秋當日，大家都預咗會多人，所以會計小姐一早就去排定隊，希望等到樓上嗰啲靚卡位；哈哈，靚女出碼，果然係冇令大家失望 ！由常客帶領，我地一行三人主攻特價點心同炒麵： 午市特價點心之蟹籽燒賣皇（$12.8）：大部份酒樓o既燒賣唔係大點就係特點，閒閒地賣到成四十幾五十蚊一籠，材料同味道好多時仲要係一般過一般，有啲直頭唔合格添 ！正冬真係可以稱得上為良心食肆，其午市燒賣以特價$12.8益街坊，每籠都係即叫即蒸，不但新鮮熱辣，而且美味可口，同事們都覺得超抵食 ！ 午市特價點心之山竹牛肉球（$9.8）：山竹牛肉球大大隻，熱辣辣，肉質完全唔硬，$9.8一籠真係大件夾抵食 ！ 午市特價點心之鮮菇雞包仔（$9.8）：雞包仔
「正冬」有兩層，樓下燈光較暗較逼人，樓上就光猛得多，感覺上亦寬敞舒適得多，最正就係有卡位坐、有電視睇，所以同事們每次黎都必定要坐樓上。「正冬」並非高級食肆，環境衛生尚算合格企理。伙計們個個年紀都唔細，樓面功夫多，忙碌得很，好在佢地做野夠爽手，效率高 。
中秋當日，大家都預咗會多人，所以會計小姐一早就去排定隊，希望等到樓上嗰啲靚卡位；哈哈，靚女出碼，果然係冇令大家失望 ！由常客帶領，我地一行三人主攻特價點心同炒麵：
午市特價點心之蟹籽燒賣皇（$12.8）：大部份酒樓o既燒賣唔係大點就係特點，閒閒地賣到成四十幾五十蚊一籠，材料同味道好多時仲要係一般過一般，有啲直頭唔合格添 ！正冬真係可以稱得上為良心食肆，其午市燒賣以特價$12.8益街坊，每籠都係即叫即蒸，不但新鮮熱辣，而且美味可口，同事們都覺得超抵食 ！
午市特價點心之山竹牛肉球（$9.8）：山竹牛肉球大大隻，熱辣辣，肉質完全唔硬，$9.8一籠真係大件夾抵食 ！
午市特價點心之鮮菇雞包仔（$9.8）：雞包仔包身鬆軟，個餡就切得好夠醉，食落又脆又嫩又滑，飽得黎又唔會溜。其實一般OL食一籠當午餐都已經可以填飽個肚，仲慳返唔少添 ！
午市抵食特價麵之肉絲炒麵（$35）：小肥食肉絲炒麵一定唔要兜亂，為求保留麵條o既不同口感，除咗要有啲卜卜脆之外，一定要有啲濕濕地又彈彈地牙o既。正冬碟肉絲炒麵有乾有濕，有香脆有軟腍，芡汁味道唔會太油膩或者係太咸，好啱小弟口味，如果少咗啲紅蘿蔔絲，咁就更加正！
連埋$6茶錢，埋單每位$40有找，午市特價食品，大件夾抵食，咁o既價錢可以食到咁飽，XO仔絕對滿意 ！大家如果有機會幫襯，記住要揀樓上卡位坐！
Post
