Video
Read full review
2023-02-03
385 views
同朋友行完西貢萬宜水庫東壩，一行五個人決定坐的士直接去西貢碼頭洪記海鮮酒樓飲茶，上咗去二樓坐，貪佢少啲人，吹水傾偈方便啲，坐低後即刻叫咗兩碟飯麵先，跟住先落樓下拎點心。呢個鴻圖窩伊味道認真麻麻，真係好一般。呢個福建炒飯只見面頭鋪滿粟米粒，都算少見，但味道還可以。點心就覺得蟹籽燒賣同蝦餃皇最好味，啲蝦夠爽有鮮味，醬汁鳳汁同山竹牛肉都ok，潮州粉果啲皮過厚，鮮蝦菜苗餃唔錯，鮮蝦腸粉皮都有啲厚，味道都可以，炸竽角好鬆化幾好味，至於珍珠雞同豉汁蒸排骨就好一般。最後想食啲油菜，但下面點心車就冇，阿姐話要去收銀處落單然後由廚房炒，即係要收炒菜價錢，碟菜份量ok，都好翠綠。埋單連兩支大啤要成八百元，價錢都唔平！
同朋友行完西貢萬宜水庫東壩，一行五個人決定坐的士直接去西貢碼頭洪記海鮮酒樓飲茶，上咗去二樓坐，貪佢少啲人，吹水傾偈方便啲，坐低後即刻叫咗兩碟飯麵先，跟住先落樓下拎點心。
呢個鴻圖窩伊味道認真麻麻，真係好一般。
呢個福建炒飯只見面頭鋪滿粟米粒，都算少見，但味道還可以。
點心就覺得蟹籽燒賣同蝦餃皇最好味，啲蝦夠爽有鮮味，醬汁鳳汁同山竹牛肉都ok，潮州粉果啲皮過厚，鮮蝦菜苗餃唔錯，鮮蝦腸粉皮都有啲厚，味道都可以，炸竽角好鬆化幾好味，至於珍珠雞同豉汁蒸排骨就好一般。
最後想食啲油菜，但下面點心車就冇，阿姐話要去收銀處落單然後由廚房炒，即係要收炒菜價錢，碟菜份量ok，都好翠綠。
埋單連兩支大啤要成八百元，價錢都唔平！
Post
