譽滿點心匯館 (Closed)

上次同事想來這間飲茶，但最後冇去到，今日佢話要飲茶，我提議這間。店內環境比較迫。坐低時，店員會有個盒問你要咩茶?我記得有四款茶包可以選，蕎麥、玫瑰荔枝……點心的款式都算多，叫了以下款式嚐嚐。青芥末籽母蝦餃青芥末籽是獨立包住，下面有粒蝦餃，不過我覺得芥末籽放在蝦餃裏會比較好，由於我第一次食，我又分開食，感覺上浪費了芥末籽，如果將它們混合一齊食應該會更好。紫薯百合素菜餃這個沒有驚喜，個皮都未夾已經散。招牌雪山叉燒包有些翻炸的感覺，皮不夠脆，叉燒餡算多。芋絲脆春卷裏面的芋絲炸得很燶，外皮都算脆。馬友肉餅飯整塊肉餅都是粉，太難食，幸好有馬友搭夠，馬友鹹鹹香香和飯一齊食都過得去。沒有加一，茶錢每位$6。