海港燒鵝海鮮酒家 (Closed)

馬鞍山飲茶都係依兩間質素穩定，呢一間海港燒鵝酒家就平過另一間海皇漁港呢啲咁的， 同埋唔記得咗佢冇咗下午茶大中小同價，因為星期六日都係嗌左啲例牌野！見到佢叉燒燒肉米線好抵食！只係$27一碗，就嗌嚟試吓！上枱真係令人興奮，見到如圖燒肉好靚仔，叉燒偏瘦份量多啱我！啱晒大家口味！不過今次係瀨粉，我自己就比較鍾意食米線🍜小問題之後就係金錢肚！今次質素同樣好好，我嗰陣係主角金錢肚定係下面嘅芋頭，質素都唔錯，金錢肚大件厚身，好似有五件（當然唔係件件都係好似面頭咁大啦，但係都對得住比例）潮州粉果平蝦餃好味，你都見到佢個皮好薄晶瑩剔透！潮州粉果大大粒入面有好多沙角花生等配料，質素非常好！不過畫錯咗點心紙收貴左🤣 呢樣係自己傻豬姐😛😝鳳爪排骨飯通常都係穩定，有三至四件排骨同埋兩個鳳爪滿足的一餐