彩福皇宴 (Closed)

呢日同朋友嚟到位於銅鑼灣皇室堡嘅彩福皇宴食晏。叉燒包 ($26) - 一籠有三隻，採用半肥瘦嘅豬肉做餡料，餡料夠入味，而且幾juicy，味道唔錯。滷水豬仔腳 ($60) - 豬仔腳，滷得夠腍，夠入味。滑溜得嚟帶少少彈牙，而且豬仔腳上面嘅豬毛處理得好乾淨，相當唔錯。珍珠糯米雞 ($26) - 一籠三件，餡料有豬肉及鹹蛋黃，味道調校得幾好，我自己就好鍾意。白腸粉 ($22) - 腸粉滑溜得嚟帶少少煙韌，配上腸粉豉油、甜醬及芝麻醬，傳統港式美味。