順德公漁村河鮮酒家

Open Now

Now Closed

去附近院舍探婆婆，經過咗呢間順德公幾次，入去試吓～ 11點左右以為係午餐時段，原來仲有點心，正，啱晒口味，因為我得兩個人，食午餐叫唔到好多，點心可以叫六七款，最後點咗八款，因為好幾樣嘢都想食，出面酒樓又唔多見有！鮮蝦韭菜角，有少少似韭菜餃，但係炸過，香脆好食！春風得意腸粉，有少少似炸兩，腸粉包住炸物，但入邊嗰個係鮮蝦春卷即係腸粉包住脆皮再包住蝦，真係好好食百花釀魚肚，上面係蝦膠，爽口椰汁黃金糕，除咗新年好少買嚟食，煙煙韌韌，一碟三片，唔錯豬肚燒賣，我覺得係懷舊嘢，本身我都鍾意食豬肚，覺得真係好特別，豬肚fans唔好錯過仲叫咗蝦餃，桂花糕，腐皮卷，都係水準唔差，以為順德公淨係食河鮮，蒸點心都幾有心思，下次探婆婆再去食吓