熱點點心專門店

Open Now

Now Closed

夜晚放工係附近經過，又想飲下茶食下點心，就入左黎呢間。熱點蝦餃皇2隻（$16）：蝦肉包得好飽滿，皮薄餡靚，而且蝦肉彈牙，新鮮蟹籽燒賣皇2隻（$14）：size好大粒，豬肉新鮮，蟹籽份量多，啖啖肉好滿足薑蔥牛栢葉（$28）：每塊牛栢葉好大舊，而且爽口彈牙，個底仲有啲豆卜，吸晒啲精華，好食沙嗲金錢肚（$32）：好香牛肚味，而且可以將沙嗲汁掛晒係啲牛肚到，每一啖充滿住香而不辣嘅味道，岩晒食唔到辣嘅朋友春風得意腸（$36）：好香脆炸得，出面用啲腸粉包住，外軟內脆，層次次感豐富，而且上面加左啲蟹籽，增添脆卜卜嘅口感豬麥流沙奶黃包2隻（$27）：外觀豬仔樣幾得意，個餡非常流沙，而且要趁熱食先有流沙效果！最中意呢個！鳳爪排骨飯（$27）：飯蒸得好香，排骨好冧，而鳳爪亦好大隻，一個人真係食唔晒！要兩個人食先得呀！雪山叉燒包2個（$19）：外面焗得好香脆，而叉燒份量好充足，個餡非常熱，食落去真係要預心熱，size勁大隻，食完好滿足蟲草花燉雞湯（$30）：飲落去好香蟲草花味，好滋補，而且湯渣都好多，最緊要係雞髀肉黎架！拍得住屋企煲嘅老火湯！千島醬香脆蘿蔔糕（$29）：煎得有金黃焦香嘅味道，配埋千島醬+木魚