Tapa Room (Moved) New Location

又係放工諗食乜嘅時間，朋友話食西班牙菜，見冇試過西班牙菜就去試一試。餐廳大部份嘅報紙都係以光管組成唔同嘅圖案，好有以前玩食鬼嘅感覺。門口亦係打卡位，鍾意影相嘅朋友們不妨影返兩張呃下like。西班牙薯仔蛋餅第一次食呢味餸，食落感覺似薯仔庵列但係又同我接觸開其他庵列嘅有啲唔同，首先外型方面脹卜卜，切開入邊係一粒粒嘅薯仔，有咬口，口感十足，加埋啲沙律醬好好味。西班牙黑毛豬火腿口感帶甘甜的橡果及油膉味的火腿，作為小食一流。薄切慢煮八爪魚平時食博切八爪魚都會好韌，呢個以慢煮方式炮製嘅八爪魚口感軟腍，配上蕃茄蓉同橄欖油，帶微酸，好開胃。棒棒鵝肝鵝肝入口即溶，表面沾滿炒過嘅開心果，海鹽同黑椒碎粒，減低油膩嘅感覺之餘亦令到整體來講香口好多。班牙海鮮炒飯十分足料，蜆，青口，蝦同埋魷魚鋪滿晒成個炒飯，飯底炒得乾爽，做得非常好食。Tanqueray有薰衣草和紫羅蘭的香氣同檸檬香，飲落幾順口。另外呢杯唔記得咗叫乜名，不過依杯冇酒精，飲落甜甜地，上面嘅生果碎幾爽口，唔想飲酒嘅朋友可以試一試。