Backdoor

Open Now

Now Closed

放假就想飲番杯啤酒，一於約人去諾士佛臺，順便食埋晚餐🥣。上到去就見到呢間Backdoor，感覺氣氛相當不錯，暗黑路線另有些螢光燈，令人感到輕鬆，咁就一於進入開餐囉😘。飲啤酒🍻要叫番個小食送下，呢個香辣鮮檸檬皮脆炸雞翼，單骨雞翼炸得非常之香脆，雞肉鮮嫩熱辣辣，混合微辣又帶點酸的檸檬汁🍋，令人開胃的前菜。點左田越河蟹肉加拿大海膽·蔥油·意大利粉，賣相很美😘見到胃口大開，海膽口感唔錯，食落新鮮唔覺腥味，蔥油很香，🦀蟹肉跟蔥粒很夾，意粉煙韌的好有咬口。另一款是鴨胸明太子忌廉意大利粉🍝，鴨胸咬落有肉汁，肉質柔軟唔會韌，明太子白汁忌廉咸鮮味十足，醬汁香濃份量超多，條條意粉都索到，口感豐富呀😋。飲左至like的Hoggaarden白啤酒🍻 ，吹吹水食下野，愉快的晚上。