WOFT (Closed)

今時今日的MK真係多咗好多優質食肆同酒吧, WOFT就係其中一間我係雜誌搵到的新晋酒吧. 臨近假期訂位都比較困難, 原本諗住去食個Dinner 點知無位, 我地就改咗夜D過去飲杯野了!呢間餐廳酒吧比較開揚, 半開放式有座位對住大街, 難得係MK酒吧都有種Relax 感覺, 入到去都好舒服.侍應都好有禮貌同做野快手, 我叫咗杯Mojito, 朋友叫咗支Craft Beer. 杯Mojito 好有心思呀, 上面整咗朵花花比我, 立即相機食先啦! 朋友支Craft Beer 都覺得唔錯!小食方面我地叫咗個避風糖薯條, 薯條新鮮炸上到枱熱辣辣, 呢隻係用厚身個隻薯條, 所以可以做到外脆肉軟個種口感. 而上面舖滿咗避風塘香辣脆脆料, 包括有黃金蒜粒同埋辣椒, 非常惹味, 小妹好辣, 所以好鍾意食, 朋友就話佢覺得都幾辣下, 佢就叫個芝士薯圈黎食! 芝士薯圈都非常唔錯, 車打芝士份量好多而且上枱時都係熱辣辣, 薯圈炸到香脆, 加埋芝士的口感好Rich, 兩樣我都Like!見Menu 都有好多特色Fusion 菜食, 我同姊妹決定下次再黎試埋去!