德國百帝王啤酒雞煲主題餐廳

Open Now

Now Closed

呢一間餐廳的位置真係啱晒飲野，佢有個露天的地方，雖然環境唔係一流，只係街邊地方，不過勝在唔喺馬路旁邊唔會車來車往做人肉吸塵機，曬吓太陽飲返杯冰凍啤酒確實係賞心樂事。呢一間餐廳個名就係佢賣嘅啤酒牌子，於是就試下。呢個就係德國百帝王啤酒的真身，佢係麥啤來的，小麥味都幾香，D泡都滑，幾易入口，好啱女士同埋那些唔鍾意太苦啤酒的朋友。另外佢仲有一隻無酒精啤酒，因為其中一個朋友揸車，所以貪得意叫黎試下，佢嘅味道又真係幾似啤酒，不過當然都係有酒精嗰D好飲D啦，但係試下都幾過癮，個樽都似啤酒，如果同人鬥飲時可以飲呢隻就不得了。