Video
Read full review
2017-02-04
3169 views
平時我間唔時都會去奧運站做嘢所以我都比較熟悉呢度嘅餐廳，佢係位於第2同第3期中間，如果唔熟路就最好問下人因為會比較難搵，佢係對住外面大街的。海鮮拼盤 ($428)呢一個海鮮拼盤基本上應有盡有，例如各式各樣唔同嘅海鮮，包括有鮮蝦，螃蟹，貝殼類，仲有幾隻生蠔。因為我哋成班朋友食，所以我冇試晒所有嘅款式， 不過我都食咗一隻生蠔因為我知道呢個集團嘅生蠔非常有水準，果然如我所料，生蠔非常新鮮，應該係即刻開嘅，一隻真係唔夠喉呀，好彩原來我啲朋友嘢都叫左一個生蠔拼盤，佢地已經揀咗幾款來自唔同國家嘅生蠔。我試咗一隻法國生蠔，味道非常濃郁，而且相當鮮甜，一班朋友黎食真係食得好開心！ 亞拉斯加蟹餅 ($92)蟹餅原來係呢間餐廳嘅皇牌，我之前都冇試過，自家製但一D都唔姑寒，用好多蟹肉做出一個巨大嘅蟹餅，然後煎到金黃色，蟹餅十分鬆化。香煎帶子牛油果沙律 ($108)我哋叫咗呢個沙律，當中有牛油果，仲有太大粒嘅帶子、大大塊橙，仲有大量嘅新鮮生菜喺底，又健康又清新，唔鐘意食咁多肉既朋友可以考慮試下佢地d 沙律。荷蘭藍青口 ($188)有淡淡嘅白酒同埋忌廉味道，埋麵包一齊食更真係好好食，而且份量夠大，啱曬一班人食
海鮮拼盤 ($428)
呢一個海鮮拼盤基本上應有盡有，例如各式各樣唔同嘅海鮮，包括有鮮蝦，螃蟹，貝殼類，仲有幾隻生蠔。
因為我哋成班朋友食，所以我冇試晒所有嘅款式， 不過我都食咗一隻生蠔因為我知道呢個集團嘅生蠔非常有水準，果然如我所料，生蠔非常新鮮，應該係即刻開嘅，一隻真係唔夠喉呀，好彩原來我啲朋友嘢都叫左一個生蠔拼盤，佢地已經揀咗幾款來自唔同國家嘅生蠔。我試咗一隻法國生蠔，味道非常濃郁，而且相當鮮甜，一班朋友黎食真係食得好開心！
亞拉斯加蟹餅 ($92)蟹餅原來係呢間餐廳嘅皇牌，我之前都冇試過，自家製但一D都唔姑寒，用好多蟹肉做出一個巨大嘅蟹餅，然後煎到金黃色，蟹餅十分鬆化。
香煎帶子牛油果沙律 ($108)
我哋叫咗呢個沙律，當中有牛油果，仲有太大粒嘅帶子、大大塊橙，仲有大量嘅新鮮生菜喺底，又健康又清新，唔鐘意食咁多肉既朋友可以考慮試下佢地d 沙律。
荷蘭藍青口 ($188)有淡淡嘅白酒同埋忌廉味道，埋麵包一齊食更真係好好食，而且份量夠大，啱曬一班人食。
夏威夷風光pizza ($98)虎蝦帶子pizza ($118)
佢哋啲薄餅都係用石爐去烤焗，我哋叫咗夏威夷風情同埋鮮蝦薄餅，味道平均，餅底厚薄適中，材料新鮮，小朋友們食得好開心呀！
虎蝦松露油扁意粉 ($138)佢哋係用左扁身嘅意大利粉，淡淡嘅黑松露味加上鮮蝦嘅味道，大人細路都好鍾意，食果陣再加少少黑椒會更加香口。
特級安格斯西冷牛扒 9oz ($228)牛扒煮到啱啱好大概五成熟，一切開就見到嫩嫩嘅粉紅色牛肉，牛肉味適中，食多幾舊都唔覺得太肥膩，加埋旁邊嘅芥末醬可以減少肉感。
焗羊架 ($228)雖然羊架去最後一碟菜但係我覺得佢係成餐晚飯嘅高潮呀，有四條骨加上少許嘅麵包糠，然之後煮到啱啱好，表面非常香脆而且鬆軟，唔會好羶，肉質非常幼嫩，而且非常多肉汁。
甜品拼盤 ($168)最後我哋有一個甜品拼盤，有朱古力流心蛋糕配意朱古力雪糕、車厘子金寶、baileys酒芝士蛋糕。我最鍾意食嘅就係佢個朱古力流心蛋糕，因為佢嘅蛋糕同平時嘅唔同，佢會比較濕潤比較薄而且朱古力醬唔會太甜，流心嘅程度係啱啱好，一切出嚟就會有啲朱古力醬流曬出嚟，加埋淡淡嘅蛋糕嚟食一齊食，好正！ 仲有佢哋啲雪糕，其實佢哋呢個集團嘅雪糕水準都非常高架，喺個朱古力雪糕入面你就可以見到有一片片嘅朱古力碎片，好食又有口感。
總括嚟講呢一晚，每一樣菜色都好新鮮好食，價錢亦都唔會太貴，我哋都坐得好舒服呀，服務又好好！我覺得可以經常同一班朋友嚟呢度食飯談談心！
Post
