Video
Read full review
2022-09-12
3082 views
今日就嚟到W Hotel 食個自助餐慶祝吓，其實我上年5月已經嚟幫襯過，當時疫情初愈，五百幾蚊相當抵食。餐廳位於6樓，對面嘅就係ICC。隔離執咗啲餐廳，今日我哋食嘅係Kitchen。我喺佢哋W Shop訂位嘅，呢個9月佢哋做緊法日主題，經網上訂位連free flow 閒日都只係694.5 加一，做緊75折。但網上訂位要full pay嘅，網上訂位時喺兌換日期入返訂坐日子，佢就有email confirm 返你架啦。今次分咗上層大堂位，都闊落。空間感唔錯，仲對住海景。出去望吓嘢食先，冷盤沙律選擇多過10款，一個大堂攞晒所有嘢食。先睇海鮮，貝螺蝦蟹小龍蝦。重點當然喺呢個法國Ostre’ Argent生蠔，fill得幾快架。今晚啲生蠔，Size適中，肉身嫩滑，味道淡口，配上氣酒能夠吊出佢嘅鮮。扒類方面先係有豬呀，呢邊呢就係和牛臀，。三款醬汁可以選擇。嚟睇睇個扒，和牛扒牛味香濃，佢哋跟個薯蓉滑身之餘味道都香口，至於豬方面乾身但豬味清新，夾埋個紅酒豬味發揮更好。牛有啲部位比較難切，可以問佢攞把靚刀唔洗切得咁辛苦。魚生壽司方面不過不失，八爪魚得啲鬚鬚無咁開心，種類唔多但都正常發揮，起碼係新鮮嘅。風
今日就嚟到W Hotel 食個自助餐慶祝吓，其實我上年5月已經嚟幫襯過，當時疫情初愈，五百幾蚊相當抵食。餐廳位於6樓，對面嘅就係ICC。隔離執咗啲餐廳，今日我哋食嘅係Kitchen。我喺佢哋W Shop訂位嘅，呢個9月佢哋做緊法日主題，經網上訂位連free flow 閒日都只係694.5 加一，做緊75折。但網上訂位要full pay嘅，網上訂位時喺兌換日期入返訂坐日子，佢就有email confirm 返你架啦。今次分咗上層大堂位，都闊落。空間感唔錯，仲對住海景。
出去望吓嘢食先，冷盤沙律選擇多過10款，一個大堂攞晒所有嘢食。先睇海鮮，貝螺蝦蟹小龍蝦。重點當然喺呢個法國Ostre’ Argent生蠔，fill得幾快架。今晚啲生蠔，Size適中，肉身嫩滑，味道淡口，配上氣酒能夠吊出佢嘅鮮
。
扒類方面先係有豬呀，呢邊呢就係和牛臀，。三款醬汁可以選擇。嚟睇睇個扒，和牛扒牛味香濃，佢哋跟個薯蓉滑身之餘味道都香口，至於豬方面乾身但豬味清新，夾埋個紅酒豬味發揮更好。牛有啲部位比較難切，可以問佢攞把靚刀唔洗切得咁辛苦。
魚生壽司方面不過不失，八爪魚得啲鬚鬚無咁開心，種類唔多但都正常發揮，起碼係新鮮嘅。
風乾肉區幾靚仔，背後就係芝士呀
今晚有兩款湯揀，法式蘑菇湯同馬蹄湯。湯呢個蘑菇湯不得了，磨菇磨茸融入個湯，淡淡細緻淡淡蘑菇。另外就係馬蹄蘿蔔湯，清清哋幾 fresh。
再嚟甜品區，有涼粉食幾地道，糕點款色都幾多。
返到埋嚟個位都已經黃昏啦，可以睇下日落，望住故宮景呀。
今晚我呢個係free flow package，首先上場嘅係呢支B&G來自法國Loire Valley嘅氣泡，金黃色酒色氣泡細緻有力，味道清新帶花香相當容易入口，啱晒今晚嘅海鮮呀。
紅酒方面有呢支智利嘅Cabernet Sauvignon，強勁黑加侖子味同果味，中身中單寧，越飲會越甜，比起牛，配今晚個豬同咖喱更出色。
每人另外奉送一隻大焗蠔，個殼拳頭咁大隻，配埋醬汁味道濃郁，大滿足呀。
啱啱條蒸魚我就攞咗個魚鮫，滑身無骨好受歡迎，半場已經出第三條。
仲有更多精彩來容喺影片，切勿錯過
Post
