好景海鮮酒家 (Closed)

跟美魔女媽媽響銀礦灣酒店check out後，搭車去左大澳遊覽一下，行到咁上下就搵左呢間酒家食個晏。兩個人揀左個標明供2-3人份量的三餸餐，$208, 叫左個蝦醬蒸豬肉、蠔仔粥、雜菜煲，加罐$10可樂健康又幸福，要食蠔仔粥! 蠔仔粥，超級大！蠔仔雖然本身欠缺鮮味，不過幸好個湯非常正，肉碎夠彈口，加埋薑絲，芫茜同冬菜，一絕！吃過雜菜煲，大腿唔會粗! 雜菜煲都係大大煲，本人向來喜歡食軟飯，菜都係一樣。佢d 菜心，白菜，勝瓜，西蘭花，全部淋一淋，夠晒入味！菜黎講夠晒大棵，好甜！入邊仲有大蝦乾同魷魚，個湯底超正。我也忍不住係咁飲，不過魷魚就略嫌係無咩味道。所謂入鄉隨俗，食蝦醬蒸豬肉! 係我既最愛！豬肉搭住小小肥油，加上淡淡蝦醬同甜豉油味，好食到停唔到。鋪底粉絲有誠意之作。三樣野兩個人真係夠食，但由於家母比較細食，佢中段已經好擔心話食唔晒。不過唔洗驚，乖仔響大廳! 我叫得做勁食西門，當然不是省油的燈，好快就掃清檯上的美食。