白咖喱公司

Open Now

Now Closed

Item: 白咖喱公司
Rating: 3
Author: Fei.ball.tsz

22 Reviews

Taste

Decor

Service

Hygiene

Value

801

Kwun Tong

$51-100

Hong Kong Style Food Wise Eateries

Info:
Restaurant:	白咖喱公司

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign

Fei.ball.tsz

Level2

兩條友夜晚去食咖喱王，簡直係兒時回憶 😂 細個覺得好抵，不過衛生就唔好計 🥴 大個都好少去食，今次就俾個機會佢。其實講食物質素，講真冇嘢可以挑剔，呢個價錢，仲想點樣？一個二人餐又多選擇，食到勁飽！芒果沙冰賣相有驚喜，非常之多芒果、榴槤椰汁冰都係，有一pat好大pat嘅榴槤！當然，唔好期望兩杯飲品有味道 😂 清淡之選～ 🫶🏻最有驚喜係佢嘅炸薯條！炸得非常之脆，調味亦都非常之完美！本身我係薯條控，已經食盡天下嘅薯條，佢嘅薯條真係唔差～👍🏻最差係乜嘢？經理嘅態度，不論對自己員工定係客人 👎🏻成晚不斷聽到經理大叫，話啲單亂咗、出咗單未之類，其實食飯時間，餐飲業比較忙，人之常情，員工都係人，點解要呼喝人哋？講返用餐體驗，當時大概7:30 ，餐廳中間嘅位置已經坐滿，窗口位仲有好多吉枱，眼見有好多兩位客人坐四人枱，我就行埋去四人枱諗住坐低；點知經理叫我哋坐二人枱，因為一陣間會坐滿客人。由於二人枱真係太迫，我哋亦都拎住好多嘢（剛剛買完電器），我哋自己調位，再同經理講真係唔太逼。經理話冇問題，不過一陣有客人嚟，點都要我哋坐返去二人枱。素聞呢個年代已經唔係好多人會食咖喱王，搵唔到點解喺咁多吉枱嘅情況底

Read full review

兩條友夜晚去食咖喱王，簡直係兒時回憶 😂 細個覺得好抵，不過衛生就唔好計 🥴 大個都好少去食，今次就俾個機會佢。

其實講食物質素，講真冇嘢可以挑剔，呢個價錢，仲想點樣？一個二人餐又多選擇，食到勁飽！芒果沙冰賣相有驚喜，非常之多芒果、榴槤椰汁冰都係，有一pat好大pat嘅榴槤！當然，唔好期望兩杯飲品有味道 😂 清淡之選～ 🫶🏻

最有驚喜係佢嘅炸薯條！炸得非常之脆，調味亦都非常之完美！本身我係薯條控，已經食盡天下嘅薯條，佢嘅薯條真係唔差～👍🏻

最差係乜嘢？經理嘅態度，不論對自己員工定係客人 👎🏻

成晚不斷聽到經理大叫，話啲單亂咗、出咗單未之類，其實食飯時間，餐飲業比較忙，人之常情，員工都係人，點解要呼喝人哋？

講返用餐體驗，當時大概7:30 ，餐廳中間嘅位置已經坐滿，窗口位仲有好多吉枱，眼見有好多兩位客人坐四人枱，我就行埋去四人枱諗住坐低；點知經理叫我哋坐二人枱，因為一陣間會坐滿客人。

由於二人枱真係太迫，我哋亦都拎住好多嘢（剛剛買完電器），我哋自己調位，再同經理講真係唔太逼。經理話冇問題，不過一陣有客人嚟，點都要我哋坐返去二人枱。

素聞呢個年代已經唔係好多人會食咖喱王，搵唔到點解喺咁多吉枱嘅情況底下，會突然之間坐滿人，所以冇理佢繼續食。結果，當我離開嗰一刻為止，只有左邊一枱客人，右手邊好多都係一枱。

明白要做生意，唔應該兩個人霸四人枱；但係做人真係要有自知之明，明知自己餐廳從來都唔會喺嗰段時間坐滿客人（特別係疫情後，唔係特別有名氣嘅餐廳，幾可會星期日晚上坐滿人？）

整體嚟講，呢個價錢，呢個食物質素，算係咁，冇得挑剔，亦唔應該挑剔。唯一挑剔嘅係，經理喺待人接物上嘅處事方法有待改善。