神石燒牛扒炸物專門店 (Closed)

好耐冇食過石燒牛肉，呢排秋風起又好似提示我要燒野食一樣，我就知道要黎神石燒啦。兩個人食叫一個二人餐就最好，呢個日本A5佐賀和牛二人前$525就有牛有豬有帶子，日本A5佐賀黑毛和牛，和牛油花均勻，咬入口雖不至於入口即溶，但對得起價錢。美國極黑豚，厚身黑豚肉肉嫩多汁，不過燒嘅時候要有相當耐性，唔係就會好易燒焦/唔熟，浪費上好食材。美國安格斯牛膈肌 ，又係肉厚鮮嫩，但就比黑肉豚肉易燒好多。美洲頂級厚切牛脷，肉質彈牙，因為本身已經熟左嘅關係，所以燒返熱就食得。北海道珍寶帶子，味道唔錯，不過就好似比上次細粒左少少。日式炸蕃薯條味道不過不失。另外仲有自助無限添加嘅白飯同埋前菜，一定可以食到飽。