Reserva Ibérica Tapas Bar & Restaurant (灣景中心) (Closed)

灣仔會展站附近既呢間Reserva依家午市做緊套餐，叫一個主食就有得任食buffet bar既食物，仲包一杯茶或咖啡！💚任食沙律吧💚Tortilla西班牙薯仔蛋餅係一定要食既！蛋餅既蛋香十足，口感軟綿綿，薯仔絲好多，但好軟熟，混合埋半熟既蛋，口感真係一流，唔駛點調味已經好香啦！另外既生果都好新鮮，西瓜菠蘿果啲都好甜，質素真係好好呀！🧡羅勒蕃茄通心粉配蕃茄芝士餅🧡意粉酸酸地，非常開胃，真係有好多蕃茄，用料豐富，羅勒帶出食材既鮮味，另外炸脆既芝士餅又係一大賣點，芝士餅好香脆，餡料又香濃，芝味真係十足，非常滋味！💛香煎三文魚💛三文魚絕對係主角，大大舊既三文魚唔會鞋口，魚皮煎脆佐，魚肉就嫩滑鮮味，一啲腥味都無，配料既薯蓉都好好食，薯蓉好綿滑好細滑，又香薯仔味，同埋啲炒菜一齊食，非常美味！