鍋心粥底火鍋 (世宙3座) (Closed)

元朗出曬名係一個美食天堂，你只要諗到嘅，都會有得食，今晚去世宙探個朋友，佢做地主之誼，帶我去屋苑樓下嘅餐廳食粥底海鮮火鍋店鋪好大，唔洗排隊就可以入坐，地方都好乾淨衛生。火鍋嘅海鮮職員話會因應季節而有所改變，所以每次去食都可能會有驚喜今次我地食咗龍蝦，鮑魚，聖子皇，多寶魚，鮮魷，象拔蚌仔，每樣都好新鮮，龍蝦嚟到d肉仲會扎扎跳，牆上面仲有貼住張紙教你每樣海鮮要煮嘅時間，真係細心食曬海鮮就到食肉類，蔬菜，最後就會有職員加入軟飯將湯底煮成粥，吸收曬所有精華！份量多到完全食唔曬，二百幾蚊一個人，真係好平