馬哥孛羅咖啡廳

親戚請食自助餐，冇執輸既我當然跟佢哋來～ 來到第一件事就係繞場一週，set好target ；）環境寬敞，坐得舒服，經常有侍應過來收拾碗碟。（剛開店時影，半個鐘唔洗呢度已經坐滿人，談話聲不斷）食客可以係呢度挑選長腳蟹，青口呢啲海鮮，不過我對海鮮有敏感，都係得過「望」字甜品選擇都好多，啲小朋友揀到停唔到手行完整個場覺得都好乾淨衛生，不時有人出來fill 啲嘢食。一般人唔會錯過都係海鮮，魚生，羊架，同燒牛肉，所以重點評價啲幾樣：魚生：可能食客需求太大，serve俾客啲魚生好明顯仲未徹底解凍，中間仲有食緊「魚生冰」既感覺。試佐吞拿魚，但魚味唔濃。羊架：羊有羊味，有肉汁，亦見到粉紅色既肉，但較難咬開，需要啲時間咀嚼。。。。。。燒牛肉：夠淋，但牛肉味同樣唔突出，加上醬汁都食唔出原來自己食緊牛肉。