Regala Cafe & Dessert Bar

Open Now

Now Closed

去機場酒店食tea，純粹因為有贈券。以為送得俾你食梗係唔慌多嘢食，點知咁筍係成個English Tea Set，上枱嗰下真係嘩咗出嚟!仲要唔係淨係小食同甜品，仲有飽肚嘅鬆餅同三文治，四點幾食到頂住，早知遲一個鐘去食當晚餐啦… 大件夾抵食，唔代表好食。鬆餅水準一般，牛油味唔重，勝在牛油果占糖漿樣樣有，仲要有兩件，點搽都得，可惜唔係暖嘅。其他食物同樣味道普通，應熱嘅攤涼咗應凍嘅又攤暖咗。甜品合格但屬一般貨色，份量相比三文治同鬆餅係偏少，食tea多啲甜品同小食開心啲嘛!雪糕其實好好味，草莓味濃，酸甜適中，可惜上枱時已經溶咗一半。 去開機場，想hea吓食tea又食得飽，呢度都可以諗吓。不過質素就唔好有太高期望，只係一般餐廳貨色，唔似其他高級酒店出品咁精緻囉。