定食8 (Closed)

午餐同同事去咗定食8，今次係第二次食，仲好食過第一次，雖然貨仔唔同高級壽司店，但哩個價錢係絕對無得彈。（上圖係我偷食咗壽司飯）左邊係係黑蒜豬軟骨烏冬，個蛋令人印象深刻，仲係流心，無煮過龍，烏冬唔會淋哂，豬軟骨份量好足，味道唔錯。左上有個煮過嘅海苔（有啲好似膠，透明，但唔好誤會😂），我將佢放咗落三文魚麵豉湯裡面焗熱，去到最後再飲都仲好熱，滿意。壽司最後先食蛋會比較好，海鮮都好新鮮，切得唔薄，三文魚唔瘦，近腩，好好食。帶子大大啖，口厚好好，個蛋係雪過嘅，最後食就無咁凍啦。哩個係同事叫嘅鰻魚飯，燒得比較焦（半條個皮係黑色）但佢話味道唔錯，食到一半佢已經開始飽，最後食哂條魚。最後講下餐廳環境，燈光比較暗，人手同屯門分店一樣都係少，出面會比較慢，衛生當然都唔係特別好。