Video
Read full review
2024-03-02
1257 views
Pleka既名廚Ken Lau曾經喺半島酒店既多間餐廳任職，所以食物既質素相當有保證。用餐當日係聖誕節前夕，所以有Christmas menu🥂1️⃣Antipasto2️⃣scampi tartare with caviar and tomato foam海螯蝦做他他，加上少少番茄味，上面加左魚子醬，成個味道好夾。3️⃣Foie gras royale with port wine foam鵝肝蒸蛋為平凡既蒸蛋增添左一份奢華感，蒸蛋滑嫩，鵝肝亦都入口即融。4️⃣Jerusalem artichoke bisque with sea urchin個湯好滑好creamy，有少少洋蔥味，加埋海膽既鮮味令到湯既味道昇華去另一個層次。5️⃣Fresh black truffle cheese spaghetti意粉上面鋪左幾塊黑松露薄片，聞落去同食落去黑松露味都好濃郁，如果係黑松露fans應該會大愛呢道菜。6️⃣Sicilian style lemon black tea sorbet食主菜之前，上左一款檸檬紅茶雪葩，一入口味道好清新，可以清一清味蕾。7️⃣Charcoal grilled wagyu beef with
1️⃣Antipasto
2️⃣scampi tartare with caviar and tomato foam
海螯蝦做他他，加上少少番茄味，上面加左魚子醬，成個味道好夾。
3️⃣Foie gras royale with port wine foam
鵝肝蒸蛋為平凡既蒸蛋增添左一份奢華感，蒸蛋滑嫩，鵝肝亦都入口即融。
4️⃣Jerusalem artichoke bisque with sea urchin
個湯好滑好creamy，有少少洋蔥味，加埋海膽既鮮味令到湯既味道昇華去另一個層次。
5️⃣Fresh black truffle cheese spaghetti
意粉上面鋪左幾塊黑松露薄片，聞落去同食落去黑松露味都好濃郁，如果係黑松露fans應該會大愛呢道菜。
6️⃣Sicilian style lemon black tea sorbet
食主菜之前，上左一款檸檬紅茶雪葩，一入口味道好清新，可以清一清味蕾。
7️⃣Charcoal grilled wagyu beef with aged balsamico or Baked goose liver with pigeon
兩款主菜分別係炭烤和牛同鵝肝乳鴿批，我地兩款都試晒。個人覺得和牛肉質算軟嫩，但只可以話係不過不失，未去到非常出色。反而覺得鵝肝乳鴿批呢款傳統配搭做得幾唔錯，一咬落去食到兩種唔同既口感，味道濃郁得嚟又好夾。
8️⃣Chocolate 2 ways
朱古力旁邊加左乾冰，煙霧瀰漫，打卡一流。
9️⃣Mulled wine
🔟Petit four
總共10道菜 $1588/person
餐廳內既落地大玻璃除左睇到維港海景，仲可以睇到中環摩天輪🎡用餐當晚係聖誕節前夕，夜晚維港有煙花匯演🎆，有得睇住煙花食飯真心幾正。有海景嘅餐廳一般都唔平，但Pleka真係貴得黎係有質素，會有想回頭嘅感覺。Overall嚟講，餐廳既景觀同食物質素都一流，Pleka暫時係我喺香港食過最滿意嘅餐廳之一。
唯一美中不足嘅可能係侍應嘅小小mistakes,因為當晚平安夜，所以預先打左比餐廳希望喺甜品上面寫Merry Christmas，但唔知點解去到變咗Happy birthday，當個侍應捧住有蠟燭嘅甜品講Happy birthday嘅時候真係有啲尷尬。不過本住你唔尷尬，尷尬嘅就係人哋既精神，同返侍應講返情況，佢哋都即時安排補寫返。
Post
