Primo (Closed)

星期六同男朋友比較晏食lunch，好肚餓，所以叫左啲飽肚野。我地叫左經典肉食愛好者披薩、扇貝、蝦和煙肉卡邦尼醬意大利麵同Brunch Menu上既意大利All Day Breakfast三文治。經典肉食愛好者披薩10吋，切開有6件。材料好豐富，有意大利辣香腸、火腿、煙肉、香腸、洋蔥、甜椒、黑欖欖、水牛芝士、番茄醬，岩晒食肉獸。扇貝、蝦和煙肉卡邦尼醬意大利麵既醬好濃稠，都幾大碟，食完好飽，男朋友話好食。意大利All Day Breakfast三文治唔係我想像中個個樣，但幾好食。包外脆內軟，配以番茄醬、意大利辣香腸、培根、火腿、洋蔥、橄欖、馬蘇里芝士，材料之間好夾，我鍾意。Brunch Menu包飲品，揀左橙汁，有果肉，仲可以免費添加，好好。