東京チカラめし

Open Now

Now Closed

之前都有食過幾次，都係正正常常價錢都OK所以隔一排都會食，但係我發現質素越嚟越差。今次加咗個$18 3隻嘅餃子，手機落單後1分鐘都冇就即刻上左。個餃子一望就知道放咗好耐，直接光澤都冇淋pat pat咁。我就等其他菜都到咗先試下佢，其實其他菜都只係5分鐘內就到。一試個餃子，完全係凍冰冰一啲溫度都冇，啲皮就淋pat pat咁，一試就知道放咗好耐。同個店員反映返之後，佢竟然話：「我見到你哋都放咗好耐先食」🙄。但係佢都有重新換返俾我哋，放低碟餃子嘅時候仲要講：「今次記得快啲食啦」。其實個餃子換左同冇換，一眼睇落差別都幾大，真係以為我哋係傻嘅？依家係你哋食物嘅質素有問題，店員竟然要賴返落我度，仲要咁樣串我。買單嘅時候仲要黑口黑面，呢啲垃圾舖頭真係冇下次。