梁記餃子麵坊 (Closed)

元朗梁記餃子麵坊位於元朗廣場巴士站附迎，性價比勁高，餃子大大粒真材實料🥟 星期六中午時間去到，要掛2-3張枱，不過都唔係等左好耐。📌皇牌套餐A: 酸辣豬扒米線 $48 🥩 加任何食品加$3 (小食除外)大堆叫呢個皇牌套餐A，然後再另加$3 餃子 (有3粒)，就可以食齊最受歡迎嘅炸豬扒同餃子😍 跟餐仲會送一杯凍豆漿或菊花蜜。豬扒同酸辣都建議可以叫店員另上，店員會另外比一碟仔辣酸菜，可以因自己口味食先加。豬扒份量勁多，炸得好酥脆香口😋🥟菜甫沙葛餃子必食! 其他餃子舗好少有，菜甫同沙葛食落好爽口，帶少少清甜🥟甜美白菜餃子🥟甜美韭菜餃子呢2款餃子有少少似，白菜餃子有少少麻油香，味道會比較突出推介指數：😈😈😈😈😈（5😈為滿分）