餃子縣餃子專門店 (Closed)

經過旺角見到呢間餃子專門店，入面有咁多人，自己個人好鍾意食餃子，就決定入去試吓。一開始見到餐單都好難揀，雖然佢有好多款餃子，但係都幾貴。佢有得揀餃子配麵，但係我淨係想食餃子，所以最尾叫咗餃子樂園，入面有八隻餃子，每款招牌味道各一隻，可以揀正餃子或者煎餃子，我揀咗煎嘅，要加$4 ，一碟總共$56，$56 8隻餃子雖然話係唔同味，呢個價錢真係有啲貴，又唔係大隻。雖然佢想啲鋪呢，食落都算係皮薄餡靚，不過都係嫌有啲貴，連埋一杯豆漿都要成六十幾蚊，一餐晏晝來講呢個分量對於一個女仔都唔足夠。不過佢呢度嘅侍應態度好好，好有禮貌，而且會主動幫你抹枱清潔，仲主動問你有冇需要，佢哋嘅服務態度係抵讚嘅。加上佢鋪頭有啲細，坐落可能會有啲迫，但佢食物質素都高，呢一餐來講算係尚可。